أصالة: بالحب رح نبنيها

أصدرت الفنانة أصالة نصري أغنية جديدة لبلدها سوريا تحمل اسم "سوريا جنة"، تعبّر من خلالها عن مشاعرها وتعاطفها مع الشعب السوري. 

 

وقالت أصالة تعليقًا على الأغنية: "مشاعر مختلطة كلها قوية خوف أولًا من إنه ينسى الواحد فينا شو كنا وشو أصلنا.. نحنا كل أهل سوريا بنشبه أهل الحارة اللي بكل العالم ما في من هيك حارة الناس فيها مخلوطين من ديانات مختلفة وثقافات مختلفة وبساطة وشهامة ومحبة وتسامح وما في شي حيخلينا نتجاوز ونكبر ونحقق ونعلى غير التسامح وما رح نقول مو وقتها لسه الجرح طازة".

 

وأضافت: "رح نقول نحنا أهل سوريا العظيمة الطيبة سوريا التاريخ اللي بيعشقها شعبها، ودفع دمّه فداها ما بدنا نكمل مشوار كله دم وكله قهر وبيرجعنا أكتر وبيقهرنا أكتر؛ لأننا بالآخر هون عنا أهل وحبايب وهون عنا أهل وحبايب، وبدنا نتوحد وبدنا نعمر هالبلد الحلوة اللي ما في أحلى من ترابها وشجرها وبيوتها وأهلها الطيبين الحناين".

 

وتابعت: "بدي أقعد على كرسي بساحة من ساحات الشام عند بياع الصبارة بدي أشتري فستق حلبي من كل البياعين على طريق الربوة بدي شوف سوريا عروس".

 

وختمت: "كلي أمل وكلي ثقة نحنا لقدّام ورح نكون ومابقى نقبل مانكون ورح نبنيها بالحب لأنها بس بالحب رح تعمر ورح تعمر.".